VetrarhlaupaSERÍA LYST og UFA | #3

HLAUP #3 !

Langar þig að halda þér í formi í vetur og njóta þess að hlaupa með skemmtilegum hópi? Þá er VetrarhlaupaSERÍA LYST fullkomið tækifæri fyrir þig! Hlaupin henta öllum, hvort sem þú ert byrjandi eða lengra kominn.

Allir hlauparar byrja og enda á LYST í Lystigarðinum, þar sem heitt súkkulaði og ljúffeng fiskisúpa bíður þín eftir hvern hlaupatúr! Skemmtileg stemning í vetur, þar sem hver hlaupaleið er einstök.

Næstu hlaup:
– **29. janúar**
– **26. febrúar**
– **26. mars**

Hlaupagjaldið er aðeins 1000 kr og hlaup eftir hlaup verður heitt súkkulaði fyrir alla og fiskisúpa í boði á 2.200 kr.

Komdu og njóttu hreyfingar og félagsskapar í vetur!
Allir eru velkomnir!

Skráning fer fram á staðnum

Hlaup #3

Mæting í Lystigarðinn við LYST þar sem hlaupið er ræst til norðurs, þar hlaupið þið út úr garðinum um MA-bílaplan. Efst á MA-planinu er farið yfir Þórunnarstræti til suðurs og beygt fljótlega upp stíg að Álfabyggð. Hlaupið Álfabyggð að Mýrarvegi, beygið til vinstri og hlaupið að og niður Mímisbraut að Þórunnastræti þar sem þið beygið til hægri og haldið áfram að Miðhúsabraut. Við Miðhúsabraut farið þið yfir gangbraut á Þórunnarstræti, niður Lækjargötu að Aðalstræti, beygið til hægri og hlaupið Aðalstræti að Naustafjöru. Við Naustafjöru farið þið yfir götuna, snúið við og hlaupið stíginn við Aðalstræti (austan megin) til baka, farið inn á Hafnarstræti og hlaupið það alla leið að kirkjutröppunum. Hlaupið upp kirkjutröppurnar, áfram upp Eyrarlandsveg, framhjá MA, meðfram Lystigarðinum alla leið að suðurinngangi hans og haldið þar áfram að LYST þar sem hlaupinu lýkur. Leiðin er um 6 km.