Leikararnir, vinirnir og Garparnir Hjalti Rúnar Jónsson, Kristinn Óli Haraldsson og Vilhjálmur B. Bragason blása til tónleika á LYST laugardagskvöldið 21.12.24. Þar ætla þeir að flytja frumsamin lög eftir sig og aðra, gantast og grínast, segja sögur, sýna látbragð og spunalistir úr leikhúsinu, auk þess sem þeir eru boðnir og búnir að framkvæma minniháttar lýtaaðgerðir á tónleikagestum, enda meðvitaðir um mikilvægi þess að líta vel út um jólin. Kvöldstund sem slær á kvíða og stress fyrir jólunum, falleg, frumleg og fyndin. Að auki verður uppboð á einstöku bókverki úr smiðju þeirra félaga sem aðeins er gefið út í fimm tölusettum og árituðum eintökum.

KLUKKAN 21:00…. GOTTT AÐ MÆTA SNEMMA