Axel Flóvent á LYST

Axel Flóvent nálgast sköpun líkt og lífið sjálft – með flæði, opnun huga og í stöðugri þróun. Með ljóðrænum þjóðlagatón og tilfinningaríkri alt-pop nálgun fangar hann minningar og augnablik í lagi og texta.

Axel hefur gefið út 2 breiðskífur, nú síðast Away From This Dream (2024) sem var innblásin af 80s synthum, trommuheilum og aukinni áherslu á lifandi slagverk, píanó og rafgítar. Nú vinnur hann að nýju efni sem hann stefnir að gefa út snemma á næsta ári.

14. nóvember næstkomandi ætlar Axel að halda lágstemmda tónleika á LYST þar sem hann frumflytur lög af næstu plötu, ásamt gömlum lögum í huggulegum búningi.